Habagat, nagpapaulan pa rin ang ilang lalawigan sa Luzon
Patuloy na umiiral ang Southwest Monsoon o Habagat sa malaking bahagi ng bansa.
Ayon kay PAGASA weather specialist Ana Clauren, kalat-kalat na mahihina na kung minsan ay malakas na buhos ng ulan ang mararanasan sa Ilocos region, Batanes, Babuyan Islands, Benguet, Zambales, Bataan at Occidental Mindoro.
Kasabay nito, pinag-iingat ng weather bureau ang mga residente sa nasabing lalawigan na maging maingat sa posibleng pagbaha o pagguho ng lupa.
Sa Metro Manila at nalalabing bahagi ng bansa, nabawasan na ang nararanasang pag-ulan.
Gayunman, magiging makulimlim pa rin ang kalangitan na magdadala ng kalat-kalat na pag-ulan sa gabi.
Sa Visayas at Mindanao naman, magiging maaliwalas pa rin ang panahon subalit maaring makaranas ng isolated rains.
Sinabi ni Clauren na walang inaasahang mabubuong sama ng panahon o bagyo sa loob ng teritoryo ng bansa sa susunod na dalawa hanggang tatlong araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.