P5.2-M halaga ng shabu nadiskubre sa birdhouse, shuttlecock casing

By Angellic Jordan July 30, 2021 - 03:51 PM

Nasamsam ng Bureau of Customs (BOC) Port of NAIA, katuwang ang Philippine Drug Enforcement Agency (PDEA) at NAIA Inter-Agency Drug Interdiction Group (NAIA-IADIGT), ang tatlong package na naglalaman ng P5,188,400 halaga ng shabu.

Ayon sa BOC, balak sanang i-export ang tatlong package sa Bahrain, United Kingdom at Australia.

Matapos ang routine Customs X-ray scanning at physical examination, nadiskubre ang 763 gramo ng ilegal na droga na nakasilid sa birdhouse, shuttlecock casing, at figure trimmer twister twist.

Base sa PDEA Chemical Laboratory Analysis Report, kumpirmadong shabu ang laman ang naturang package.

Agad itinurn-over ang kontrabando sa PDEA para sa profiling, case building at direct filing ng kaso laban sa responsable dahil sa paglabag sa Republic Act 9165 o “Comprehensive Dangerous Drug Act of 2002″ at Republic Act 10863 o “Customs Modernization and Tariff Act (CMTA) of 2016”.

Maliban sa kaso, magsasagawa ron ng seizure at forfeiture proceedings sa packages bunsod ng paglabag sa Paragraph (f) ng Section 1113 na may kinalaman sa Paragraph (d) Section 119 ng CMTA.

Nangako naman ang BOC-NAIA na sa tulong ng aktibong kolaborasyon sa PDEA at NAIA-IADITG, ipagpapatuloy nila ang kampanya laban sa ilegal na droga.

TAGS: BOC, ConfiscatedShabu, InquirerNews, PDEA, RadyoInquirerNews, shabu, BOC, ConfiscatedShabu, InquirerNews, PDEA, RadyoInquirerNews, shabu

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.