DOH, nagbabala laban sa kumakalat na mensahe ukol sa lockdown

Naglabas ng babala sa publiko ang Department of Health (DOH) kaugnay sa kumakalat na mensahe patungkol sa lockdown.

Nakasaad sa naturang mensahe ang mga lugar na kabilang umano sa iba’t ibang klasipikasyon ng circuit breaker o lockdown.

Nilinaw ng kagawaran na wala pang inilalabas na desisyon ang Inter-Agency Task Force kung anong quarantine classification ang ipatutupad sa Metro Manila at iba pang lugar sa bansa.

Pinayuhan ang publiko na huwag i-share o ikalat ang mga hindi beripikadong impormasyon upang maiwasan ang panic at pagkalito.