Bilang ng nabigyan ng COVID-19 vaccine sa Quezon City, higit 1.3-M na

Lagpas 1.3 milyon na ang bilang ng naturukan ng COVID-19 vaccine sa ilalim ng #QCProtekTODO vaccination program.

Umabot na sa kabuuang 1,309,992 ang naiturok na COVID-19 vaccine sa lungsod hanggang sa araw ng Miyerkules, July 28.

Sa nasabing bilang, 825,998 o 48.59 porsyento ng 1.7 milyong target population ang nabigyan ng unang dose habang 483,994 o 28.47 porsyento naman ang second dose.

Sa ngayon, patuloy ang pag-arangkada ng vaccination program sa lungsod.

Muling hinikayat ang publiko na magpabakuna na para maabot ang population protection sa QC.