30 porsyento ng mga preso sa bansa, nabakunahan na vs COVID-19

Aabot sa mahigit 30 porsyento sa 117,000 na bilanggo sa buong bansa ang nabakunahan na kontra COVID-19.

Ito ang sinabi ni Bureau of jail Management and Penology deputy Director Ruel Rivera.

Ayon kay Rivera, sa 117,000 na bilanggo, 3,828 ang tinamaan ng COVID-19.

Nasa 3,619 ang nakarekober.

Sa ngayon, nasa 106 na lamang ang aktibong kaso.

Ayon kay Rivera, sa 18,809 na personnel ng BJMP, 12,470 na ang nakatanggap ng first dose habang 9,700 naman ang nakatanggap na ng second dose.