4 kalsada sarado pa rin, 2 mahirap pang daanan – DPWH
Hindi pa rin maaaring daanan ng mga motorista ang ilang kalsada sa ibang lalawigan
Ayon sa Department of Public Works and Highways (DPWH), sarado pa rin ang dalawang national road sections sa Cordillera Administrative Region, habang tig-isa naman sa Region 3 at 4-B.
Base sa ulat hanggang 7:00, Martes ng umaga (July 27), tinukoy ng DPWH Bureau of Maintenance ang mga sumusunod na kalsada na sarado pa sa publiko; Baguio-Bontoc Road K0362+600, Busa Bridge, Sabangan, Mt. Province; Abra – Kalinga Road, K0487+250 at K0489+900 sections sa Gacab, Malibcong, Abra; Junction Layac Balanga Mariveles Port Road Zigzag Section K0160+000 sa Bataan; at Mindoro West Coastal Road, K0353+900, Pag-asa Section, sa Sablayan, Occidental Mindoro.
Samantala, dalawang kalsada sa Pampanga ang baha pa rin kaya sarado pa sa light vehicles.
Kabilang dito ang Apalit Macabebe Masantol Road, K0062+600 – K0063+400, sa Calsada Bayu, Sta. Lucia Matua, Masantol at Sto Tomas – Minalin Road (Minalin- Macabebe Section), K0072+500-k0073+300.
Muli namang binuksan ang 22 national road sections na dati’y isinara bunsod ng monsoon rains.
Kasama rito ang tig-pitong kalsada sa CAR at NCR, isa sa Region 1, lima sa Region 4-A, at dalawa sa Region 4-B.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.