Mukhang nadulas lang, sabi ng Malakanyang sa muntik na pagbagsak ni Pangulong Duterte

Minaliit lang ng Malakanyang ang muntik na pagkawala ng balanse ni Pangulong Duterte sa paglalakad nito sa Plenary Hall ng Mababang Kapulungan para ihatid ang kanyang huling Ulat sa Bayan.

 

Sinabi ni Presidential spokesman Harry Roque mukhang nadulas lang si Pangulong Duterte.

 

Dagdag pa ni Roque dapat ay intindihin na senior citizen na ang Punong Ehekutibo sa pagsasabing; “alam ninyo, wala naman pi siyang extra ordinary na problema. He is who he is, he is a senior citizen at mukhang nadulas lang naman siya kahapon.”

 

Sa kanyang palagay, ayon kay Roque, walang dapat ipag-alala ang taumbayan.

 

Bago ito, sinabi ni Pangulong Duterte na may nakatapak sa kanyang paa kayat tila nawalan siya ng balance.