Tinatayang aabot sa P1.5 milyon ang halaga ng ari-arian ang napinsala sa sunog na tumupok sa Martinez Building sa Rizal Avenue kanto ng Gonzalo Puyat, sa Sta. Cruz, Maynila.
Ayon kay Fire Supt. Jaime Ramirez – Fire Marshall ng Manila Bureau of Fire Protection (BFP), nagsimula ang sunog sa Mezzanine ng Audio City Marketing Company alas 8:57 ng umaga.
Ang natupok na establisyimento ay pag-aari ni James Tan.
Umabot sa ikaapat na alarma ang sunog na ideneklarang fire under control dakong 10:12 ng umaga
Dahil sa malakas at maitim na usok pansamantalang inihinto ang operasyon ng LRT 1.
Wala namang napaulat na nasaktan o nasawi sa nasabing sunog.
Inaalam pa ng mga otoridad ang pinagmulan ng apoy sa insidente.
MOST READ
LATEST STORIES