Point-to-point bus service ng DOTC, may bagong ruta
Inanunsyo ng Department of Transportation and Communications (DOTC) ang paglulunsad ng ikatlong point-to-point bus service, na ngayon ay tatahak naman sa pagitan ng rutang Alabang at Makati City.
Ayon sa joint statement ng DOTC at ng Land Transportation and Franchising Regulatory Board (LTFRB) magkakaroon na ngayon ng mas maayos na mapagpipiliang paraan ng pag-byahe ang mga taga-Cavite papunta sa Makati City.
RRCG Transport ang nanalong operator sa nasabing point-to-point bus service na magkakartoon ng pick-up points sa Alabang Town Center at sa Greenbelt 1 sa Makati.
Ang mga nauna nang ruta ng point-to-point bus ay ang Trinoma-Makati na pinangangasiwaan ng Froelich Tours, at ang Ortigas-Makati na hatid naman ng HM Transport.
Isang bagong kategorya sa mga public utility bus system ang point-to-point bus service na magbibigay ng ligtas at mas komportableng transportasyon para sa mga commuters.
Mas mabilis ang biyahe nito dahil hindi na ito nagsasakay sa iba pang lugar kundi sa mga nakatalagang pick-up points lamang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.