4,516 na bagong kaso ng COVID-19 naitala sa Pilipinas

Aabot sa 4,516 na bagong kaso ng COVID-19 ang naitala sa bansa ngayong araw, July 20.

Ayon sa Department of Health, nasa 1.517 milyon na ang kabuuang bilang kaso ng COVID-19 sa Pilipinas.

Sa naturang bilang, 46,806 ang aktibong kaso.

Aabot naman sa 58 ang nadagdag na bilang sa mga nasawi. Sa kabuuan, nasa 26, 844 ang kabuuang bilang ng mga nasawi.

Nasa 1.444 milyon naman ang gumaling at nakarekober sa naturang sakit.