1.6 milyong Johnson & Johnson COVID vaccines dumating na sa bansa

By: Chona Yu - 3 years ago

Vials of Johnson & Johnson’s Janssen coronavirus disease (COVID-19) vaccine candidate are seen in an undated photograph. Johnson & Johnson/Handout via REUTERS.

Dumating na sa bansa ang 1.6 milyong doses ng bakuna kontra COVID-19 na gawa ng kompanyang Johnson & Johnson.

Nabatid na donasyon ito ng Amerika sa Pilipinas sa pamamagitan ng COVAX Facility.

Dumating ang second batch ng bakuna kaninang 4:00 ng hapon, July 17 sa Ninoy Aquino International Airport (NAIA) Terminal 3 sakay ng Emirates flight EK 0332.

Dahil dito, nakumpleto na ng Amerika ang 3.2 milyong doses na donasyon sa Pilipinas.

Magagamit ang Johnson & Johnson bilang single shot vaccine sa mga nag-eedad ng 18 anyos pataas.