1.5 milyong doses ng Sinovac vaccines dumating sa bansa

Aabot sa 1.5 milyong doses ng bakuna kontra COVID-19 na gawa ng Sinovac ang dumating sa bansa kaninang 8:00 ng umaga, July 17.

Sakay ng Cebu Pacific flight 5J671 ang mga bakuna na galing ng Beijing at lumapag sa Ninoy Aquino International Airport Terminal 3.

Nabatid na binili ng gobyerno ang mga bakuna.

Agad namang ilalagay ang mga bagong dating na bakuna sa cold storage facility sa Marikina City.

Nabatid na ipamamahagi rin ito sa mga local government units sa iba’t-ibang bahagi ng bansa.