Pumalo na sa 14 milyon ang bilang ng mga nabakunahan kontra COVID-19 sa bansa.
Ayon kay Presidential Spokesman Harry Roque, sa naturang bilang, apat na milyon na ang fully vaccinated.
Ibinida ni Roque na kahapon lamang, July 15, nakapagtala ang bansa ng pinakamataas na bilang ng mga nabakunahan.
Pumalo kasi aniya sa 391,000 doses ng bakuna kontra COVID-19 ang naiturok dahilan para mabura ang unang record na na 375,059.
Target aniya ng pamahalaan na pumalo sa kalahating milyong katao ang mabakunahan kada araw.
MOST READ
LATEST STORIES