Bulkang Taal nakapagtala ng 171 volcanic earthquake

Aabot sa 171 volcanic earthquake ang naitala sa Bulkang Taal sa nakalipas na 24 oras.

Ayon sa Philippine Institute of Volcanology and Seismology, nanatili pa rin sa Alert Level 3 ang bulkan.

Nakapagtala rin ang Phivolcs ng 157 na volcanic tremor na tumatagal ng isa hanggang 97 minuto.

Nagbuga rin ang bulkan ng steam-rich plumes na may taas na 1,500 metro.

Ipinagbabawal muna ng Phivolcs ang anumang uri ng aktibidad sa paligid ng bulkan.

Pinapayuhan din ang mga piloto na mag-ingat sa pagpapalipad ng mga sasakyang panghimpapawid sa bisinidad ng bulkan dahil sa posibilidad ng airborne ash at ballistic fragments.