86 pang pulis, tinamaan ng COVID-19

Nasa 86 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Lunes (July 12), 28,943 na ang confirmed COVID-19 cases sa hanay ng pambansang pulisya.

Sa nasabing bilang, 1,475 ang aktibo pang kaso.

28 namang pulis ang gumaling sa nakakahawang sakit.

Dahil dito, 27,391 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito. 77 pa rin ang COVID-19 related deaths sa pambansang pulisya.