1.124 milyong doses ng AstraZeneca vaccines nabigyan na ng clearance ng BOC
Binigyan na ng clearance ng Bureau of Customs ang 1.124 milyong doses ng AstraZeneca na dumating sa bansa kagabi, July 8.
Ayon kay BOC Commissioner Rey Leonardo Guerrero, pre-cleared na ang mga bakuna noon pang July 7 sa pamamagitan ng COVID-19 One-Stop-Shop ng BOC sa Ninoy Aquino International Airport.
Dumating ang mga bakuna kagabi sakay ng All Nippon Airlines mula sa bansang Japan.
Personal na sinalubong ni Pangulong Rodrigo Duterte ang mga bakuna.
Matatandaang ito na ang ikaapat na batch ng AstraZeneca na dumating sa bansa.
Aabot sa 12 milyong doses na ng mga bakuna ang nabigyan ng clearance ng BOC.
Kabilang na rito ang Sinovac, Pfizer Moderna at Sputnik V.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.