Palawan, Visayas, Mindanao apektado pa rin ng ITCZ
Hindi nakakaapekto ang Southwest Monsoon o Habagat sa bansa.
Ayon kay PAGASA weather specialist Ariel Rojas, tatagal ang monsoon break hanggang sa susunod na linggo.
Sa ngayon, umiiral aniya ang Intertropical Convergence Zone o ITCZ sa Palawan, Visayas at Mindanao.
Patuloy aniyang asahan ang makulimlim na kalangitan at kalat-kalat na pag-ulan, pagkidlat at pagkulog sa bahagi ng Palawan, Eastern Visayas, Caraga at Davao region.
Sa nalalabing bahagi ng bansa, kabilang ang Metro Manila, posibleng makaranas ng mga panandaliang pag-ulan hanggang Huwebes ng gabi dulot ng localized thunderstorms.
Sinabi rin nito na walang inaasahang bagyo o sama ng panahon na mabubuo o papasok sa teritoryo ng bansa sa susunod na tatlo hanggang limang araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.