Nilinaw ng Palasyo ng Malakanyang na nanatiling prayoridad ng pamahalaan ang pagtugon sa pandemya sa COVID-19 at hindi ang pamumulitika.
Pahayag ito ng Palasyo matapos batikusin ang pagdalo ni Pangulong Rodrigo Duterte sa pulong ng PDP-Laban.
Sa naturang pulong, hinimok ng partido si Pangulong Duterte na tumakbong bise presidente sa 2022 elections.
Ayon kay Roque, walang nagbago sa mga prayoridad ng Pangulo.
Ayon kay Roque, may COVID-19 o wala ay hindi pa rin maiiwasang paghandaan ang pulitika lalo’t malapit na ang eleksyon sa susunod na taon.
Hindi rin maiiwasang maghanda ang mga political party kagaya ng PDP-Laban.
Sinabi pa ni Roque na mananatiling may interes si Pangulong Duterte sa pulitika lalo’t siya ang chairman ng partido.