BREAKING: Kaso ng COVID-19 sa Pilipinas, pumalo na sa 1.45-M; 4,289 ang bagong naitala
Lagpas 4,000 muli ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Miyerkules (July 7), pumalo na sa 1,450,110 ang confirmed cases ng nakakahawang sakit sa bansa.
Sa nasabi kasing bilang, 47,519 o 3.3 porsyento ang aktibong kaso.
Sinabi ng kagawaran na 4,289 ang bagong napaulat na kaso ng COVID-19 sa bansa.
90.4 porsyento sa active COVID-19 cases ang mild; 4.1 porsyento ang asymptomatic; 1.68 porsyento ang moderate; 2.3 porsyento ang severe habang 1.6 porsyento ang nasa kritikal na kondisyon.
Nasa 164 naman ang napaulat na nasawi.
Dahil dito, umakyat na sa 25,459 o 1.76 porsyento ang COVID-19 related deaths sa bansa.
Ayon pa sa DOH, 6,399 naman ang gumaling pa sa COVID-19.
Dahil dito, umakyat na sa 1,377,132 o 95.0 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.