Trillanes, Pacquiao walang pinagkaiba – Pangulong Duterte
Kapwa uhaw sa kapangyarihan.
Ito ang pagkakatulad nina Sen. Manny Pacquiao at dating Sen. Antonio Trillanes IV, ayon kay Pangulong Duterte.
“Si Trillanes pareha ni Pacquiao ‘yan. They want to, you know, hold power because they must have…may nakita siguro silang magandang oportunidad nila para sa kanila,” ang sabi ng Punong Ehekutibo sa kanyang Talk to the People kagabi.
Reaksyon ito ni Pangulong Duterte sa alegasyon ni Trillanes na nakinabang sila ni Sen. Christopher Go sa higit P6 bilyong halaga ng kontrata sa pamahalaang-lungsod ng Davao ng ama at kapatid ng senador.
Ibinalato naman na kay Chief Presidential Legal Counsel Salvador Panelo ang pakikipag-debate kay Trillanes.
“Well, I leave Trillanes to you. Ikaw na ang bahala sa kanya kung anuhin mo yan. Eh daldal nang daldal yan eh hindi naman lumaban ng debate yan,” sabi ni Pangulong Duterte kay Panelo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.