Bangkay ng nawawalang sundalo, nakita na sa Davao del Norte
Natagpuan na ng mga otoridad ang katawan ng isang senior military officer na nawala matapos mag-dive sa Davao del Norte.
Ayon kay Eastern Mindanao Command public information officer Maj. Ezra Balagtey, narekober ng mga technical divers ang bangkay ni Maj. Hector Dongal, Biyernes ng hapon sa Island Garden City of Samal.
Halos isang linggo nang pinaghahanap ng mga otoridad si Dongal, na lumahok sa isang proficiency dive sa Angel’s Cove sa Talikod Island noon pang Sabado.
Kilalang may malakas na agos ang tubig sa pagitan ng Davao City at ng Samal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.