Dumating na ang abo ni dating Pangulong Benigno Aquino III sa Church of Gesu sa Ateneo de Manila University sa Quezon City.
Galing ang abo sa Green Meadows Subdivision sa Quezon City.
Nabatid na isang necrological Mass ang isasagawa sa Church of Gesu bago ihatid sa huling hantungan ang dating Pangulo sa Manila Memorial Park sa Sucat, Parañaque City katabi sa puntod ng kanyang mga magulang na sina dating Senador Benigno “Ninoy” Aquino Jr. at dating Pangulong Corazon Aquino.
Agad na sinalubong ng honor guards ang abo ng dating Pangulo.
Matatandaang sa Ateneo nag-aral ang dating Panngulo mula grade school noong 1973 hanggang sa makatapos ng kursong Bachelor’s Degree in Economics noong 1981.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.