Vaccine Express ni VP Leni, Mayor Isko dinagsa ng driver, riders
Dumagsa sa Vaccine Express site sa Cultural Center of the Philippines (CCP) Complex sa Maynila ang public utility vehicle (PUV) drivers at delivery riders para maturukan ng COVID 19 vaccine.
Sinabi ni Jill Javiniar, namumuno sa Angat Buhay program ng Office of the Vice President, target nila na makapagbakuna ng 2,000 drivers at delivery riders ngayon araw.
Nabatid na CoronaVac ng Sinovac ang itinuturok at mula ito sa pamahalaang-lungsod ng Maynila.
Dagdag pa ni Javiniar patuloy din na bibigyan ng P500 gasoline voucher ang mga mababakunahan matapos silang makipag-ugnayan sa Shell at Seaoil.
Bukod dito ay binibigyan din sila ng care kits na naglalaman ng face mask, vitamins, paracetamol at tubig.
Kahapon humigit-kumulang 2,000 rin ang nabakunahan sa Vaccine Express site.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.