Dalawang Nigerian timbog sa shabu at marijuana sa Pampanga

(PDEA photo) Kabilang ang dalawang Nigerian citizens sa anim na naaresto sa ikinasang buy-bust operation ng Philippine Drug Enforcement Agency (PDEA) sa Mabalacat, Pampanga. Sa paunang ulat, alas-11:30 kagabi nang isagawa ang operasyon sa Villa Teodora sa Barangay Dau. Kinilala ang mga naaresto na sina Kingsly Anaelechi, 37,  Nelson Okafor Jr., 25, kapwa Nigerian nationals; April Wright, 25; Eric Desuyo, 29; Norwin Carpio, 20; at Ralph Joseph, 25, pawangbresidente ng Mabalacat, Pampanga. Nakuha sa kanila ang 30 gramo ng hinihinalang shabu na nagkakahalaga ng P204,000; 30 gramo ng marijuana at dalawang gramo ng kush o high grade marijuana. Sasampahan sila ng mga kasong paglabag sa Comprehensive Dangerous Drugs Act of 2002.