Kai Sotto, kabilang sa Gilas Pilipinas Final 12

Nakatakdang sumabak sa laban ang Gilas Pilipinas sa South Korea para sa FIBA Asia Cup Qualifiers sa Miyerkules ng gabi.

Inanunsiyo ng Samahang Basketbol ng Pilipinas ang mga manlalaro na kabilang sa Final 12 ng koponan ng Pilipinas.

Kabilang dito ang 7-foot-3 teen prodigy na si Kai Sotto at Ivory Coast-born Ange Kouame.

Kabilang din sa line-up sina Dwight Ramos, Isaac Go, Justine Baltazar, Javi Gomez de Liaño, William Navarro, Jaydee Tungcab, at Mike Nieto.

Pasok din sina RJ Abarrientos, Carl Tamayo, at SJ Belangel.