Pinayagan na ng Inter-Agency Task Force ang mga fully-vaccinated senior citizen na nasa lugar ng General Communtiy Quarantine at Modified General Community Quarantine makalabas ng bahay.
Ayon kay Presidential Spokesman Harry Roque, kinakailangan lamang ng mga senior citizen na mag-presenta ng duly issued na COVID-19 vaccination card.
Kinakailangan din ayon kay Roque na sumunod pa rin sa minimum public health standards ang mga senior citizen.
“The IATF likewise allowed the movement of fully vaccinated senior citizens in areas under General Community Quarantine and Modified General Community Quarantine, subject to presentation of a duly issued COVID-19 vaccination card, and strict observance of the minimum public health standards,” pahayag ni Roque.
Sinabi pa ni Roque, na limitado pa rin ang movement ng mga senior citizen sa kanilang zone lamang at ipinagbabawal pa rin ang interzonal travel, maliban na lamang sa point-to-point travel na una nang pinayagan ng IATF.
“The movement of fully vaccinated senior is, however, limited to travel within their zone as interzonal travel is still prohibited, except for point-to-point travel that was previously allowed,” pahayag ni Roque.