Limitadong libreng sakay sa MRT 3 ikakasa sa Araw ng Kalayaan

Kasabay nang paggunita sa bansa ng Araw ng Kalayaan sa darating na Sabado, Hunyo 12, nag-alok ang Department of Transportation (DOTr) ng libreng sakay sa MRT 3.

Ayon sa pamunuan ng MRT 3, ang libreng sakay sa Sabado ay mula alas-7 hanggang alas-9 ng umaga at mauulit ng ala-5 ng hapon hanggang alas-7 ng gabi.

Ang Libreng Sakay sa Araw ng Kalayaan ay inanunsiyo ng MRT 3 sa kanilang Facebook account.

Sa Sabado ay ipagdiriwang sa bansa ang ika-123 anibersaryo ng kalayaan ng Pilipinas at ang ikalawang sunod na taon na ginunita ito na may pandemya sa bansa.

Ang tema sa pagdiriwang ngayon taon ay, “ Kalayaan 2021: Diwa sa Pagkakaisa at Paghilom ng Bayan.”