Davao del Sur Gov. Douglas Cagas namayapa dahil sa COVID 19
Kaninang umaga ay binawian na ng buhay si Davao del Sur Governor Douglas Cagas dahil sa komplikasyon dulot ng COVID 19.
Ang pagkamatay ni Cagas ay isinapubliko ng kanyang pamangkin na si Ria Fe Cagas-Fernandez sa social media accouny nito.
“It is with our deepest sorrow that we announce the passing of Governor Douglas ‘Dodo’ Cagas this morning, owing to COVID complications. He has joined his Creator in Heaven,” ang Facebook post ni Cagas-Fernandez.
Ang namayapang gobernador ang mister ni Rep. Mercedes Chan-Cagas at ama ni Vice Gov. Marc Douglas Cagas.
Pumasok siya sa politika bilang assemblyman noong dekada ’80 at nanilbihan bilang mambabatas mula 1997 hanggang 2007.
Kasunod nito ay nahalal na siyang gobernadora noong 2007 hanggang 2013 at muli noong 2016 hanggang sa kasalukuyan.
Isinugod sa Medical Center of Digos Cooperative Hospital noong Hunyo 3 si Cagas dahil sa hirap na paghinga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.