Dumagsa sa Boracay Island ang mga turista mula sa National Capital Region (NCR).
Ito ay kasunod ng pagbubukas ng sikat na tourist destination sa NCR plus bubble, kabilang ang Bulacan, Cavite, Laguna at Rizal simula nang isailalim sa General Community Quarantine (GCQ) ‘with heightened restrictions’ noong June 1.
Sa datos ng Malay Tourism Office, umabot sa 2,905 ang kabuuang bilang ng turista na bumisita sa Boracay mula June 1 hanggang 6.
Sa nasabing bilang, 1,760 turista ay mula sa NCR, sumunod ang 552 sa CALABARZON habang 230 sa Central Luzon.
Bukas ang Boracay sa mga turistang manggagaling sa NCR plus hanggang June 15 o hanggang sa manatili sa GCQ.
Kapag muling itinaas ang NCR plus bubble sa MECQ, sinabi ng Malay Tourism Office na ihihinto muna ang pagtanggap ng mga turista sa nasabing lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.