NCR at ilan pang lalawigan sa Luzon, makararanas ng pag-ulan
Asahang makararanas ng pag-ulan ang bahagi ng Metro Manila at ilan pang lalawigan sa Luzon.
Batay sa thunderstorm advisory dakong 1:29 ng hapon, katamtaman hanggang mabigat na buhos ng ulan na may kidlat at malakas na hangin ang iiral sa Metro Manila, Bataan, at Batangas.
Maaapektuhan din ang Bamban at Capas sa Tarlac; Candelaria, Masinloc, Botolan at Cabangan sa Zambales; Palayan, Generwl Mamerto Natividad sa Nueva Ecija.
Uulanin din ang Doña Remedios Trinidad, Bulacan; Dasmariñas at Carmona, Cavite; Biñan at Victoria, Laguna; Mulanay at San Narciso sa Quezon.
Ayon sa weather bureau, iiral ang nasabing lagay ng panahon sa susunod na dalawang oras.
Inabisuhan naman ang publiko na mag-ingat at antabayan ang susunod na update ukol sa lagay ng panahon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.