Sen. de Lima, nangako ng patuloy na pakikipaglaban para sa LGBTQIA+ members
Sa pagdiriwang ng Pride Month sa taong 2021, nangako si Senator Leila de Lima na patuloy na makikipaglaban para sa karapatan at pantay na pagtingin sa mga miyembro ng LGBTQIA+ (Lesbian, Gay, Bisexual, Transgender, Queer, Intersex and Asexual) community.
Kasabay ito ng kanyang pakikiisa sa LGBTQIA+ community, kabilang na sa mga miyembro ng Kapisanan ng LGBTQi+ sa Pilipinas (KULAY) sa pagdiriwang ng Pride Month sa buwan ng Hunyo.
“Sa makahulugang pagdiriwang na ito, nakikita natin ang matingkad na kontribusyon ng LGBTQIA+ sa lipunan, at kung paanong sa kabila ng pagsubok, nangingibabaw ang inyong di-natitinag na katatagan ng loob at lakas ng pagkakaisa,” dagdag pa niya.
Apela lang ni de Lima, ang pagrespeto sa mga miyembro ng LGBTQIA+ ay hindi lang dapat tuwing Pride Month para matiyak ang ligtas nilang pamumuhay sa lipunan.
Si de Lima ay co-author ni Sen. Risa Hontiveros ng Senate Bill No. 159 o ang SOGIE Bill, na layon ipagbawal ang diskriminasyon sa mga sinasabing iba ang sexual orientation, gender identity o expression.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.