DPWH magsasagawa muli ng road repair sa EDSA, C5
Itutuloy ng Department of Public Works and Highways (DPWH) ang road maintenance works sa Epifanio de los Santos Avenue (EDSA) at Circumferential Road 5 (C-5) sa Quezon City ngayong weekend.
Magsisimula ang road repair sa 11:00, Biyernes ng gabi (June 4).
Ayon kay DPWH – National Capital Region (NCR) Director Eric Ayapana, kasabay ng pag-apruba ng Metropolitan Manila Development Authority (MMDA), itutuloy ang aktibidad sa bahagi ng northbound direction ng EDSA, malapit sa corner Kaingin Road.
Aayusin ang bahagi ng C-5 Road simula pagkatapos ng Rajah Matanda, ikatlong lane mula sa sidewalk; pagkatapos ng Highland Drive, ikalawang lane mula sa sidewalk; at Shuster Street, ikalawang lane mula sa sidewalk.
Inabisuhan naman ang mga motorista na pansamantalang dumaan sa mga alternatibong ruta.
Muling bubuksan ang mga apektadong kalsada sa 5:00, Lunes ng madaling-araw, June 7.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.