Makararanas pa rin ng pag-ulan ang ilang lugar sa bansa.
Sa inilabas na abiso ng PAGASA bandang 2:12, Huwebes ng hapon (June 3), ito ay dulot pa rin ng Tropical Storm Dante.
Mararanasan ang katamtaman hanggang occasionally heavy rains sa Abra (Licuan-Baay), Apayao (Calanasan).
Mahina hanggang katamtamang pag-ulan naman ang iiral sa Abra (Dolores, Lagangilang, San Juan at Tubo), Apayao (Kabugao), Ilocos Norte (Adams, Dumalneg, Nueva Era, Pagudpud at Vintar) sa susunod na isa hanggang dalawang oras.
Base naman sa abiso ng weather bureau bandang 1:53 ng hapon, kaparehong lagay ng panahon ang mararanasan sa bahagi ng Pangasinan (Alaminos City, San Manuel at San Nicolas) sa susunod na isa hanggang dalawang oras.
Pinayuhan ang publiko at disaster risk reduction and management council na manatiling nakatutok sa lagay ng panahon.