Russia magpapadala pa ng dagdag COVID-19 vaccines sa Pilipinas

Dadagdagan pa ng Russia ang pagdi-deliver sa Pilipinas ng COVID-19 vaccine Sputnik V.

 

Pahayag ito ng Malakanyang matapos ang telesummit conference kagabi nina Pangulong Duterte at Russian President Vladimir Putin kasabay nang paggunita ng ika-45 taon ng bilateral relations ng dalawang bansa.

 

Pinasalamatan agad ni Pangulong Duterte si Putin sa tulong na ibinibigay ng Russia sa Pilipinas.

 

Aabot sa 80,000 doses ng Russian vaccines ang binili ng Pilipinas.

 

Sa kabilang banda, nagpasabi na si Putin na mag-aangkat ang Russia ng mga produktong-agrikultural ng Pilipinas.

 

Aniya susuporta din ang Russia sa transportation infrastructure projects, renewable energy facilities, at gamit militar ng Pilipinas.