Paglalagay ng bagong signal lights sa mga istasyon ng MRT-3, kumpleto na
Nakumpleto na ng pamunuan ng Metro Rail Transit Line 3 o MRT-3 ang paglalagay ng bagong signal lights sa lahat ng istasyon.
Bahagi pa rin ito ng malawakang rehabilitasyon ng nasabing linya ng tren.
Nasa kabuuang 71 ang naikabit na signal lights na LED-enabled sa MRT-3.
Magagamit ito para magbigay ng hudyat sa train drivers kung pahihintuin o paaandarin na ang mga tren.
Katuwang ng MRT-3 sa malawakang rehabilitasyon ang maintenance provider na Sumitomo-Mitsubishi Heavy Industries mula sa Japan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.