P13.8-M halaga ng shabu, nasamsam sa Lapu-Lapu City

Nakumpiska ng mga awtoridad ang P13.8 milyong halaga ng shabu sa Lapu-Lapu City, Biyernes ng umaga.

Ayon sa PDEA RO7, isinagawa ang buy-bust operation sa Sitio Saac II, Barangay Mactan dakong 9:45 ng umaga.

Nagresulta ang operasyon sa pagkakaaresto kay Mark Gil James Cartuciano Dangarag, 22-anyos na residente ng Cebu City.

Nakuha sa suspek ang isang backpack na naglalaman ng walong packs ng hinihinalang shabu.

Isasampa ang kasong paglabag sa Sections 5 at 11, Article 2 ng Republic Act 9165 o Comprehensive Dangerous Drugs Act of 2002 laban sa suspek.