P3.4-M halaga ng shabu, nakuha sa isang 63-anyos na babae sa Dumaguete City

Nakumpiska ang P3.4 milyong halaga ng hinihinalang shabu sa isang high-value target sa Dumaguete City, Negros Oriental.

Ayon sa PDEA RO7, isinagawa ang buy-bust operation sa bahagi ng Zone 2, Barangay Lo-oc bandang 2:45 ng hapon.

Naaresto ang high-value target na si Evelyn Jimenez, 63-anyos at may-ari ng isang sari-sari store.

Nagawa namang makatakas ng isa pang suspek na si Jovic Calibo.

Mahaharap ang suspek sa kasong paglabag sa Sections 5 at 26, Article 2 ng Republic Act 9165 o Comprehensive Dangerous Drugs Act of 2002.