2 timbog sa buy-bust ops sa Tagbilaran City, Bohol
Arestado ang isang target-listed drug personality at nurse sa buy-bust operation sa Tagbilaran City, Bohol Martes ng gabi.
Ayon sa PDEA RO7, isigawa ang operasyon sa bahagi ng Barangay Dao dakong 6:00 ng gabi.
Nagresulta ang operasyon sa pagkakaaresto sa target-listed drug personality na si Limar Epong, 29-anyos; at lisensyadong nurse na si Jay Edwin Flor, 47-anyos.
Nakumpiska sa dalawa ang 11 packs ng hinihinalang shabu na may bigat na dalawang gramo na nagkakahalaga ng P13,600.
Maliban dito, nakuha rin ang ginamit na buy-bust money, cell phone, ilang drug paraphernalia, at ilang walang laman na pakete na may bakas ng hinihinalang shabu.
Kasong paglabag sa Sections 5, 11, at 12, Article 2 ng Republic Act 9165 ang isasampa laban sa mga suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.