ITCZ nakakaapekto pa rin sa Visayas, Mindanao; Easterlies, umiiral sa bahagi ng Luzon
Apektado pa rin ng InterTropical Convergence Zone o ITCZ ang malaking bahagi ng bansa
Ayon kay PAGASA weather specialist Joey Figuracion, partikular na nakakaapekto ang ITCZ sa Palawan, Visayas at Mindanao.
Bunsod nito, asahan pa rin aniya ang kalat-kalat na pag-ulan, pagkidlat at pagkulog sa mga nabanggit na rehiyon.
Sa nalalabing bahagi naman ng bansa, magigng maaliwalas pa rin ang panahon.
Ngunit, may tsansa pa rin ng mga panandaliang pag-ulan dahil sa localized thunderstorsm dulot ng Easterlies.
Umiiral naman ang Easterlies sa malaking parte ng Luzon.
Sa ngayon, walang binabantayang bagyo o sama ng panahon ang weather bureau sa loob at labas ng Philippine Area of Responsibility (PAR).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.