BREAKING: Aktibong kaso ng COVID-19 sa Pilipinas, nasa 54,235; Halos 6,000 ang nadagdag
Hindi lalagpas sa 6,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Lunes (May 17), pumalo na sa 1,149,925 ang confirmed cases ng nakakahawang sakit sa bansa.
Sa nasabi kasing bilang, 54,235 o 4.7 porsyento ang aktibong kaso.
Sinabi ng kagawaran na 5,979 ang bagong napaulat na kaso ng COVID-19 sa bansa.
93.3 porsyento sa active COVID-19 cases ang mild; 2.0 porsyento ang asymptomatic; 1.25 porsyento ang moderate; 2.0 porsyento ang severe habang 1.4 porsyento ang nasa kritikal na kondisyon.
Nasa 72 naman ang napaulat na nasawi.
Dahil dito, umakyat na sa 19,262 o 1.68 porsyento ang COVID-19 related deaths sa bansa.
Ayon pa sa DOH, 6,602 naman ang gumaling pa sa COVID-19.
Dahil dito, umakyat na sa 1,076,428 o 93.6porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.