Ka Joma Sison, 28 iba pa binansagan ng terorista ng Anti-Terrorism Council
Inihanay na ng Anti-Terrorism Council (ATC) sa mga terorista sa bansa si Communist Party of the Philippines (CPP) founder Jose Ma. Sison base sa nakasaad sa Anti-Terrorism Act of 2020.
Kasama din sa kinikilala ng terorista ang 18 opisyal at miyembro ng central committee ng CPP at New People’s Army (NPA).
“The Central Committee(,) as the highest decision- and policy-making body of the CPP, also leads and commands the NPA – its main weapon in attaining the Party’s goal of overthrowing the duly elected government by seizing and consolidating political power through violent means,” ang mababasa sa Resolution 17 na pinirmahan ni ATC chairman, Exec. Sec. Salvador Medialdea.
Pumirma din sa naturang resolusyon si National Security Adviser Hermogenes Esperon, na tumatayong vice chairman ng ATC.
Nakasama din sa naturang listahan ang 10 pinuno at miyembro ng Abu Sayyaf Group base sa Resolution 16 ng ATC.
Noong nakaraang Disyembre, kinilala naman ng ATC bilang terror groups ang Islamic State East Asia, Maute Group, at Daulah/Dawlah Islamiyah.
Samantala, ang CPP-NPA naman ay kinikilala din sa bansa na terror group gayundin ng US, European Union, United Kingdom, Australia, Canada at New Zealand.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.