15,000 pang doses ng Sputnik V vaccines mula Russia, dumating na sa bansa

Dumating na sa Pilipinas ang 15,000 pang doses ng Sputnik COVID-19 vaccine, Miyerkules ng gabi.

Dumating ang bakuna sa Ninoy Aquino International Airport (NAIA) Terminal 3 pasado 9:00 ng gabi.

Ang naturang bakuna ay gawa ng Gamaleya Research Institute mula sa Russia.

Ito na ang ikalawang batch ng Sputnik V na dumating sa Pilipinas.

Matatandaang dumating ang unang 15,000 doses nito noong May 1.