Bagong LTO district office sa Imus, Cavite inilunsad na

By Angellic Jordan May 12, 2021 - 08:40 PM

DOTr photo

Inilunsad na ang bagong tayong district office ng Land Transportation Office (LTO) sa Imus, Cavite araw ng Miyerkules.

Pinangunahan ito ni DOTr Secretary Arthur Tugade, kasama si LTO Chief Assistant Secretary Edgar Galvante.

Ang dalawang palapag na gusali ay may centralized airconditioning system, accessible na emergency exits, at gagamit ng Land Transportation Management System (LTMS) para sa licensing transactions.

Makakapagbigay din ng serbisyo ang bagong district office ukol sa lahat ng LTO-mandated requirements tulad ng aplikasyon at renewal ng driver’s license, MV Registration, at iba pa.

Inaasahang makatutulong ang pinaigting na features at operational capacity para maitulak ang modernisasyon at hakbang para sa ease of doing business at transparency.

Sa pamamagitan nito, makararanas na ang mga taga-Cavite ng mas mabilis at maayos na serbisyo.

Mas marami na ring kliyente ang kayang ma-accommodate nito kada araw.

TAGS: Arthur Tugade, DOTrPH, Edgar Galvante, Inquirer News, LTO DO in Imus, LTOworks, Radyo Inquirer news, RoadSectorWorks, Arthur Tugade, DOTrPH, Edgar Galvante, Inquirer News, LTO DO in Imus, LTOworks, Radyo Inquirer news, RoadSectorWorks

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.