LPA, posibleng malusaw pagkatama sa kalupaan ng Mindanao – PAGASA
Tinututukan pa rin ng PAGASA ang low pressure area (LPA) na nakapaloob sa umiiral na Intertropical Convergence Zone o ITCZ.
Ayon kay PAGASA weather specialist Ariel Rojas, huling namataan ang LPA sa layong 495 kilometers Silangan ng Davao City dakong 3:00 ng hapon.
Mababa pa rin aniya ang tsansa na maging bagyo ang LPA sa susunod na 24 oras.
Inaasahang kikilos ang sama ng panahon sa direksyong Kanluran Hilagang-Kanluran papalapit sa Mindanao.
Posible aniyang malusaw ang LPA pagkalapit sa kalupaan ng Mindanao.
Ani Rojas, asahan naman ang ITCZ ng kalat-kalat na pag-ulan sa nasabing rehiyon hanggang Miyerkules ng gabi.
Sa ibang bahagi naman ng bansa, maaari rin aniyang makaranas ng isolated thunderstorms.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.