Ibinahagi ni Senator Cynthia Villar na kasabay ng nararanasang pandemya ay ang paglago naman ng ‘household food ventures dahil na rin sa tinawag niyang quarantine cooking.
Sinabi nito na marami sa mga nawalan ng trabaho ay nagtinda na lang ng pagkain at ginamit ang social media para ialok at maibenta ang kanilang mga produkto.
Ilan lang aniya sa mga naunang sumikat na ‘quarantreats’ ay ang ube-cheese pandesal at ang Dalgona coffee.
“Filipinos have been earning money even on quarantine and lockdown that help provide for their daily expenses despite losing their jobs,” sabi pa ni Villar.
Idinagdag din niya ang pagsikat ng urban gardening sa kabila ng pagiging negatibo noong una ng ilang Filipino sa ideya, ngunit nagbago aniya ang kanilang pananaw nang dumami na ang nagtanim at umani sa pagtatanim sa kanilang bakuran.
Hinihikayat naman ng senadora ang publiko na sabayan ang pagsikat ng community pantry ng community gardening.
“It’s already a bonus that it can also be source of livelihood. Urban dwellers like us should be more food self-sufficient by growing our own food. As more and more us become more food self-sufficient, hunger and food poverty will be solved also. That is the ultimate goal. So, let’s keep on planting and growing our own food,” dagdag pa ng namumuno sa Senate Committee on Agriculture.