Nanatiling sarado sa publiko ang Baseco beach sa Maynila.
Ayon kay Police Lt. Philip Fontecha, Police Community Precinct 13 commander, bawal pang maligo ang mga residente kahit summer na.
Hangga’t wala aniyang utos si Manila Mayot Isko Moreno, mananatiling bawal ang paliligo sa Baseco beach.
Gayunman, sinabi ni Fontecha na pinapayagan naman ng kanilang hanay ang mga residente na mag jogging o walking sa baybaying dagat sa umaga at hapon.
May mga pagkakataon aniya na may mga bata ang hindi maiwasan na maglublob sa dagat dahil sa mainit na panahon.
May ilang residente na rin aniya ang nahuli dahil naligo sa Baseco beach.
Dinadala aniya sa presinto ang mga nahuhuli at pinapangaralan.
Hindi na aniya kinakasuhan at pinapakawalan din.
MOST READ
LATEST STORIES