Ikinabahala ni House Deputy Minority Leader at Bayan Muna Rep. Carlos Isagani Zarate na lalo pang lalala ang “red-tagging” dahil sa pagdadagdag ng mga tagapagsalita ng National Task Force to End Local Communist Armed Conflict (NTF-ELCAC).
Ayon kay Zarate, dahil sa napakaraming tagapagsalita ng NTF-ELCAC ay asahan na labis na paggamit sa kanila para sa red-tagging activities at pagpapakalat ng mga maling impormasyon at fake news.
Ang pinaka-nakakatakot, ani Zarate, ay humantong pa ito sa mga gawa-gawang kaso, harassment at extra judicial killings (EJKs).
Dagdag ng mambabatas, tila pagsasayang sa mga buwis ng taumbayan ang pagtatalaga ng walong NTF-ELCAC spokespersons.
Iginiit din ni Zarate na dapat nang mapigilan ang NTF-ELCAC sa red-tagging nito na mapanganib sa buhay ng mga tao — mula sa mga ordinaryong indibidwal, hanggang sa mga militante, abogado, media, mga taong-simbahan at kahit mga halal na opisyal ng pamahalaan.
Sa ngayon ay umabot na sa walo ang spokespersons ng NTF-ELCAC, kung saan mananatiling tagapagsalita ang kapwa kontrobersyal na sina Army Lt. Gen. Antonio Parlade at Presidential Communications Undersecretary Lorraine Badoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.