Lusot na ng House Committee on Ways and Means ang substitute bill para makapagbigay ng libre at culture-sensitive na civil registration system para sa indigenous peoples.
Sa pulong ng komite, inaprubahan ang substitute bill para sa House Bills No. 1332 at 2812 o ang “An Act Providing for a Free and Culture-Sensitive Civil Registration System for Indigenous Peoples.”
Sa ilalim ng House Bill No. 1332 na inihain ng mga kongresista mula sa Makabayan bloc nais ng mga ito na magkaroon ng civil registration system na unique sa kultura at tradisyon ng mga IPs.
Inaatasan nila ang Philippine Statistics Authority (PSA) na i-redesign ang civil registry forms nito upang sa gayon ay makamit ang mga objectives ng panukala at para gawing akma rin ito sa mnga umiiral na batas at sistema sa civil registry.
Nakasaad sa panukala, “They are likewise exempted from the payment of notarial fees and documentary stamp tax in cases where the recording of the birth, marriage, or death requires the execution of affidavits or sworn statements and similar documents.”