(Senate PRIB)
Binabalak ni Senator Richard Gordon na magtayo ng emergency oxygen-generating plant sa Philippine Red Cross dahil sa pangangailan sa paggamot hindi lang ng COVID-19 patients kundi pati na rin ng mga may pneumonia.
Aniya ang pneumonia ay kabilang sa pangunahing dahilan ng kamatayan sa buong mundo.
Ang plano ni Gordon, na siya rin namumuno sa Philippine Red Cross, ay ibinahagi niya sa Federation of Filipino Chinese Chambers of Commerce and Industry, Inc. (FFCCCII).
Sabi nito, habang nagkukumahog ang mga ospital sa dami ng COVID-19 patients, may mga suppliers naman ang nagsasamantala para palobohin ang presyo ng medical oxygen.
“I am thinking in the Red Cross to build one (oxygen plant) para ‘yung mga de-tubo makakakuha sila sa Red Cross ng mas murang oxygen dahil tumaas na ‘yan, dati P6,000 ngayon P13,000 umabot pa ng P25,000 a few weeks ago. That is not right. ‘Pag ikaw nagsasamantala sa mga kababayan mo, hindi ka aabot sa paroroonan mo,” paalala ng senador.