Heat index sa Metro Manila posibleng pumalo sa 38.2 degrees Celsius ayon sa Pagasa

Nagbabala ang Philippine Atmospheric, Geophysical and Astronomical Services Administration na posibleng pumalo sa 38.2 degrees Celsius ang ang heat index o human-perceived temperature ngayong araw sa Metro Manila.

Ayon sa Pagasa, maaring pumalo sa 34.3 hanggang 38.2 degrees Celsius ang heat index sa Pagasa Science Garden station sa Quezon City.

Maaring makaranas din ng mainit na panahon ang Dagupan, Laoag at Sangley point sa Cavite.

Payo ng Pagasa sa publiko, kung maari, manatili sa loob ng bahay at uminom ng maraming tubig.

Base sa talaan ng Pagasa, naitala ang pinakaminit na panahon ngayong taon sa Dagupan, Pangasinan noong Abril 6 na umabot sa 49 degrees Celsius.